Búgin Qazaqstannyń qaı joldary ashyq, qaısysy jabyq
ASTANA. KAZINFORM — Elimizdiń birneshe óńirinde respýblıkalyq mańyzy bar avtojoldarda kóliktiń barlyq túrleri úshin qozǵalys ashylady, dep habarlaıdy «QazAvtoJol» UK baspasóz qyzmeti.
Saǵat 06:00–de
Pavlodar oblysy
— barlyq baǵyttaǵy respýblıkalyq mańyzy bar avtojoldarda kólik qozǵalysy ashylady.
Aqmola oblysy:
— «Astana — Shiderti — Pavlodar — Ýspenka — RF shekarasy» avtojolynyń 159 — 200 shaqyrym aralyǵy (Ereımentaý qalasy — Pavlodar oblysynyń shekarasy);
Qaraǵandy oblysy:
— «Qyzylorda — Jezqazǵan — Qaraǵandy — Shiderti» avtojolynyń 1066 — 1135 shaqyrym aralyǵy (Molodejnyı kenti — Pavlodar oblysynyń shekarasy); — «Qalqaman — Baıanaýyl — Úmitker — Botaqara» avtojolynyń 231 — 324 shaqyrym aralyǵy (Pavlodar oblysynyń shekarasy — Botaqara kenti);
Abaı oblysy:
— «QHR shekarasy — Maıqapshaǵaı — Zaısan q. aınalma jolymen — Qalbataý — Semeı — Pavlodar — RF shekarasy (Ýrlıýtıýbe ó/p)» avtojolynyń 587 — 733 shaqyrym aralyǵy (Pavlodar oblysynyń shekarasy — Semeı qalasy);
Saǵat 08:30–da
Shyǵys Qazaqstan oblysy:
— respýblıkalyq mańyzy bar «Óskemen — Altaı — Úlken Naryn — Qatonqaraǵaı — Rahmanov qaınarlary» avtojolynyń 7 — 166 shaqyrym aralyǵyndaǵy ýchaskesinde (Ýshanovskoe aýyly — Altaı qalasy) tirkemesi jáne jartylaı tirkemesi bar júk kólikteri men jazǵy dóńgelekpen júretin kólikterden basqa barlyq avtokólik túrleri úshin qozǵalys ashyldy.
Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady.
Buǵan deıin QazAvtoJol tórt oblysta kólikterdiń jazǵy dóńgelekpen júrýine shekteý qoıdy.
