Qazaqstannyń eki qalasynda aýa lastanady

ASTANA. KAZINFORM – Búgin Qazaqstannyń eki qalasynda jaısyz meteorologııalyq jaǵdaılar qalyptasyp, aýa lastanady, dep habarlaıdy Qazgıdromet.

- 2025 jylǵy 27 sáýirde Almaty qalasynda, túnde Atyraý qalasynda aýanyń lastanýynyń qolaısyz meteorologııalyq jaǵdaılary kútiledi, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýa sapasy nasharlaýy yqtımal.

Túrkistan oblysynyń qaı aımaǵynda ekologııalyq jaǵdaı nashar.