Búgin Qazaqstannyń basym bóliginde jel kúsheıip, tuman túsedi

ASTANA. KAZINFORM — 2 qyrkúıekte elimizdiń basym bóliginde atmosferalyq frontaldy bólikterdiń áserinen naızaǵaı oınap, jaýyn-shashyn kútiledi.

Qazgıdromettiń boljamynsha, Qazaqstannyń shyǵysy men ońtústik-batysynda qatty jańbyr jaýady, al ońtústik jáne ońtústik-shyǵysta kóbinese jaýyn-shashynsyz aýa raıy boljanyp otyr.

Sınoptıkter respýblıka boıynsha jel kúsheıetinin eskertti, túnde jáne tańerteń keı jerlerde tuman túsedi.

Túnde Qostanaı oblysynyń soltústiginde 2 gradýs úsik kútiledi.

Jetisý oblysynyń soltústigi men shyǵysynda, Almaty oblysynyń ońtústigi men shyǵysynda, Aqmola oblysynyń soltústik-batysynda, Batys Qazaqstan oblysynyń ońtústigi men shyǵysynda, Atyraý oblysynyń batysynda, Aqtóbe oblysynyń batysy, soltústigi men ortalyǵynda, sondaı-aq Qostanaı, Qaraǵandy, Ulytaý oblystarynyń ońtústiginde joǵary órt qaýpi saqtalady.

Almaty, Túrkistan, Qyzylorda, Atyraý, Jambyl, Jetisý oblystarynda, Mańǵystaý oblysynyń soltústik-batysy, ońtústigi men ortalyǵynda, Batys Qazaqstan oblysynyń batysynda, Qostanaı oblysynyń ońtústik-batysynda, Qaraǵandy oblysynyń ońtústiginde, Aqtóbe oblysynyń shyǵysynda jáne Ulytaý oblysynyń ońtústiginde tótenshe órt qaýpi kútiledi.