Búgin Qazaqstannyń barlyq aımaǵynda jel kúsheıip, tuman túsedi, kóktaıǵaq bolady

ASTANA. KAZINFORM – Qazgıdromet 21 qańtarda el aýmaǵynda bolatyn qaýipti meteorologııalyq qubylystarǵa boljam jasady. 

Derekke qaraǵanda, arktıkalyq tsıklon jáne onymen baılanysty atmosferalyq frontaldy bólimder QR aýmaǵynda qar men jańbyr túrinde jaýyn-shashynnyń túsýine, soltústik-batys, soltústik óńirlerde qardyń túsýine óz áserin tıgizedi.

- Respýblıka boıynsha jeldiń kúsheıýi, tuman men kóktaıǵaq kútilýde, - dep jazdy sınoptıkter.

Qaraǵandy oblysynyń batysynda, soltústiginde, Ulytaý oblysynyń soltústiginde, shyǵysynda tańerteń jáne kúndiz Qostanaı oblysynyń soltústiginde, shyǵysynda, kúndiz Soltústik Qazaqstan oblysynyń batysynda qalyń qar túsedi.

Aıta keteıik, keshe aýa raıynyń kúrt nasharlaýyna baılanysty bes oblysta jol jabyldy.