Búgin Qazaqstannyń barlyq aımaǵynda jel kúsheıip, burqasyn soǵady

ASTANA. KAZINFORM – Qazgıdromet 19 qańtarda el aýmaǵynda bolatyn qaýipti meteorologııalyq qubylystarǵa boljam jasady. 

Aqparatqa qaraǵanda, soltústik tsıklon jáne onymen baılanysty atmosferalyq frontaldy bólimder QR aýmaǵynda qar men jańbyr túrindegi jaýyn-shashynnyń túsýine, soltústik-batys, soltústik, ortalyq, shyǵys óńirlerde qardyń túsýine sebep bolady.

- Respýblıka boıynsha jeldiń jaıaý burqasynmen kúsheıýi, tuman men kóktaıǵaq kútilýde, - delingen sınoptıkter boljamynda.

Ulytaý oblysynyń batysynda, soltústiginde qalyń qar túsedi.

Aıta keteıik, keshe Almaty oblysynda aýa raıyna baılanysty birneshe jol jabyldy.