Búgin Qazaqstannyń barlyq aýmaǵynda jel kúsheıip, burqasyn soǵady, tuman túsedi

ASTANA. KAZINFORM — «Qazgıdromet» RMK 22 qańtarda el aýmaǵynda bolatyn qaýipti meteorologııalyq qubylystarǵa boljam jasady.  

Derekke qaraǵanda, Skandınavııa aýdandarynan shyqqan tsıklon jáne onymen baılanysty atmosferalyq frontaldy bólimder QR aýmaǵynda qardyń túsýine, ońtústik, ońtústik-shyǵys jáne shyǵys aımaqtarda jaýyn-shashynnyń (jańbyr men qar túrinde) jaýýyna óz áserin tıgizedi.

Respýblıka boıynsha jeldiń kúsheıýi, burqasyn, tuman men kóktaıǵaq kútilýde.

- Aqmola, Soltústik Qazaqstan oblystarynyń soltústiginde, shyǵysynda, Qaraǵandy oblysynyń batysynda, shyǵysynda, Shyǵys Qazaqstan oblysynyń soltústiginde, túnde Pavlodar oblysynyń batysynda, soltústiginde, túnde Ulytaý oblysynyń shyǵysynda qalyń qar jaýady.

Aqmola oblysynyń soltústiginde, shyǵysynda, kúndiz Almaty oblysynyń ońtústik jartysynda, Jetisý oblysynyń Alakól kólderi aýdanynda, Túrkistan oblysynyń taý asýlarynda, Jambyl oblysynyń ońtústik-batysynda, taýly aýdandarynda, Pavlodar oblysynyń batysynda otústiginde, Qaraǵandy oblysynyń soltústiginde, shyǵysynda, ońtústiginde, Shyǵys Qazaqstan oblysynyń batysynda, soltústiginde, shyǵysynda, Abaı oblysynyń batysynda, soltústiginde, ortalyǵynda, túnde Ulytaý oblysynyń shyǵysynda, ońtústiginde jeldiń kúsheıýi kútiledi, kúshi 30 m/s jáne odan da joǵary, - dep jazdy sınoptıkter.

Aıta keteıik, búgin astanalyq oqýshylar qashyqtan oqıdy.