Búgin qazaqstandyq klýbtar Konferentsııa lıgasynda qarymta oıyndar ótkizedi

ASTANA. KAZINFORM – Búgin fýtboldan UEFA Konferentsııa lıgasynyń ekinshi irikteý kezeńinde qazaqstandyq «Astana», «Ordabasy» men «Tobyl» qarymta oıyn ótkizedi. 

«Astana» Qazaqstan ýaqytymen 19:00-de Almaty qalasynda Moldovanyń «Mılsamı» komandasymen sheberlik baıqasady. 

«Mılsamı» 2005 jyly qurylǵan. 2014 jyly el chempıony atandy. Moldovanyń eki dúrkin Kýbok ıegeri boldy.

Komandanyń bas bapkeri Igor Pıkaşýk birneshe jyl buryn qazaqstandyq «Aqjaıyqty» Qazaqstan kýbogynyń fınalyna deıin alyp shyqqan.

Alǵashqy kezdesýde komandalar 1:1 esebine qanaǵat bildirdi. 

Eske salsaq, buǵan deıin fýtboldan Ýkraına quramasynyń burynǵy qaqpashysy Maksım Koval «Elimaı» sapyna qosylǵanyn jazǵan edik.