Elimizde IT-salasy qyzmetkerleri kásibı merekelerin atap ótedi

ASTANA. KAZINFORM — Qazirgi zamanǵy IT-tehnologııalar qazaqstandyq qoǵamda barlyq salalarda qoldanylady.

Elimizdiń jetistikterine toqtalsaq: BUU elektrondyq úkimetiniń álemdik reıtınginde 24-oryn, onlaın-qyzmetter ındeksi (OSI) boıynsha 10-oryn.

Byltyr onlaın rejımde 50 mln qyzmet kórsetildi, onyń 92% úıden shyqpaı-aq qoljetimdi.

Egov mobıldi qosymshasyn aı saıyn shamamen 4,6 mln adam paıdalanady. 

— Bul otandyq IT mamandardyń eren eńbeginiń jemisi ekeni sózsiz. Nátıjesinde, biz qashyqtyqta júrsek te, tez baılanysa alamyz, jańa bilim ala alamyz, kóptegen protsesterdi avtomattandyrdyq, elimizdiń ósip, damýyna jańa múmkindikter bar. Mereke qutty bolsyn! , — delingen QR Prezıdenti janyndaǵy «Ortalyq kommýnıkatsııalar qyzmeti» habarlamasynda.

Aıta keteıik, Qazaqstanda telefon nómirleri eGov arqyly berilýi múmkin ekeni habarlandy.