Búgin Qazaqstan statıstıkasyna 105 jyl toldy
ASTANA. KAZINFORM – Dál osy kúni, 1920 jyly, QazAKSR Statıstıka basqarmasy quryldy. Osy jyldar ishinde statıstıka úlken joldan ótti.
Alǵashqy kezeńde málimetter qaǵaz arqyly qolmen jınalsa, búginde ol tsıfrlyq júıege tolyqqandy kóshti. Ulttyq statıstıka bıýrosy únemi damý ústinde, derekterdiń dál, senimdi jáne barshaǵa túsinikti bolýyna baǵyttalǵan jańashyldyqtardy engizip keledi.
Qazir Qazaqstan statıstıkasy tolyq tsıfrlyq transformatsııa baǵytymen ilgerilep keledi. Avtomattandyrý, jasandy ıntellekt jáne zamanaýı tsıfrlyq sheshimder derekterdi jınaý men óńdeý úderisin jedeldetip otyr. Aqparat memleketke, bızneske, sarapshylarǵa jáne azamattarǵa burynǵydan da jyldam ári qoljetimdi bola tústi.
Aıta keteıik, Memleket basshysy Qasym-Jomart Toqaev Qazaqstan memlekettik statıstıkasynyń 105 jyldyǵyna oraı quttyqtaý joldap, bul salanyń el damýy úshin aıryqsha mańyzǵa ıe ekenin atap ótti.
Halyqaralyq uıymdar Qazaqstannyń ulttyq statıstıka júıesine joǵary baǵa berdi.
Ekonomıkalyq yntymaqtastyq jáne damý uıymy (EYDU) Qazaqstannyń Tıisti statıstıkalyq praktıka jónindegi usynymǵa qosylǵanyn resmı túrde rastady.