Búgin Qazaqstan Premer-lıgasynyń 13-týr oıyndary bastalady

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń 13-týry bastalady.

Atalǵan týr 21 jáne 22 maýsym kúnderi ótedi. Búgin 5 oıyn bolsa, jeksenbige 2 kezdesý belgilengen.

Búgin saǵat 18:00–de «: Jeńis» (Astana) men «Atyraý», «Qaırat» (Almaty) pen «Qyzyljar» (Petropavl) oınaıdy.

Al 20:00–de «Elimaı» (Semeı) men «Turan» (Túrkistan), «Tobyl» (Qostanaı) men «Jetisý» (Taldyqorǵan), 20:30–da «Oqjetpes» (Kókshetaý) pen «Ordabasy» (Shymkent) sheberlik baıqasady.

Al 22 maýsymda 20:00–de «Qaısar» (Qyzylorda) men «Ulytaý» (Jezqazǵan), «Aqtóbe» men «Astana» jasyl alańǵa shyǵady.

Aıta ketsek, qazir kósh basynda 30 upaımen «Astana» keledi. Odan keıingi oryndardaǵy «Qaırattyń» 27, «Aqtóbeniń» 26 upaıy bar.

Surmergender kóshinde Dastan Sátpaev («Qaırat») 8 golmen kósh basynda tursa, odan keıin Dáýren Jumat («Oqjetpes»), Marın Tomasov («Astana») 7, Aıbar Jaqsylyqov («Qaısar») 6 gol soǵyp úlgerdi.

Eske salsaq, budan buryn fýtboldan Birinshi lıgada «Kaspıı» kósh basyna shyqty.