Búgin Qazaqstan Premer-lıgasynyń 12-týr oıyndary bastalady

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 12-týry bastalady.

Atalǵan týr 14 jáne 15 maýsym kúnderi ótedi. Búgin 4 oıyn bolsa, jeksenbige 3 kezdesý belgilengen.

Búgin saǵat 18:00-de «Atyraý» men «Ulytaý» (Jezqazǵan), «Jetisý» (Taldyqorǵan) men «Qaırat» (Almaty), «Qyzyljar» (Petropavl) men «Aqtóbe», 20:00-de «Turan» (Túrkistan) men «Jeńis» (Astana) sheberlik baıqasady.

Al 15 maýsymda 18:00-de «Astana» men «Oqjetpes» (Kókshetaý), 20:00-de «Ordabasy» (Shymkent) men «Elimaı» (Semeı), «Qaısar» (Qyzylorda) men «Tobyl» (Qostanaı) oınaıdy.
Aıta ketsek, qazirge deıin kósh basynda 27 upaımen «Astana» keledi. Odan keıingi oryndardaǵy «Qaırattyń» 26, «Aqtóbeniń» 25 upaıy bar.

Surmergender kóshinde Dastan Sátpaev («Qaırat») 8 golmen kósh basynda tursa, odan keıin Dáýren Jumat («Oqjetpes») 7, Marın Tomasov («Astana») pen Marın Tomasov («Astana») 6 gol soǵyp úlgerdi.