Búgin Qazaqstan Premer-lıgasynyń 11-týr oıyndary bastalady

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 11-týry bastalady.

Atalǵan týr 30 jáne 31 mamyr kúnderi ótedi. Búgin 4 oıyn bolsa, senbige 3 kezdesý belgilengen.

Búgin saǵat 18:00-de «Jeńis» (Astana) pen «Ordabasy» (Shymkent), «Elimaı» (Semeı) men «Astana» týrdyń alǵashqy oıyndaryn ótkizedi. Odan keıin 18:30-da «Tobyl» (Qostanaı) men «Atyraý», 20:00-de «Aqtóbe» men «Qaırat» (Almaty) sheberlik baıqasady.

Al 31 mamyrda 16:00-de «Ulytaý» (Jezqazǵan) men «Turan» (Túrkistan), «Oqjetpes» (Kókshetaý) men «Qyzyljar» (Petropavl), 20:00-de «Qaısar» (Qyzylorda) men «Jetisý» (Taldyqorǵan) oınaıdy.

Aıta ketsek, qazirge deıin kósh basynda 25 upaımen «Aqtóbe» keledi. Odan keıingi oryndardaǵy «Astananyń» 24, «Qaırattyń» 21 upaıy bar.

Surmergender kóshinde Dastan Sátpaev («Qaırat») 7 golmen kósh basynda tursa, odan keıin Marın Tomasov («Astana»), Dáýren Jumat («Oqjetpes») jáne Aıbar Jaqsylyqov («Qaısar») 6 gol soǵyp úlgerdi.

Eske salsaq, budan buryn fýtboldan Birinshi lıgada «Altaı» qatarynan tórtinshi márte jeńiske jetti.