Búgin Qazaqstan Premer-lıgasynyń 10-týr oıyndary bastalady

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 10-týry bastalady.

Atalǵan týr 24 jáne 25 mamyr kúnderi ótedi. Senbide 3 oıyn bolsa, jeksenbige 4 kezdesý belgilengen. Búgin saǵat 18:00-de «Qaırat» (Almaty) pen «Oqjetpes» (Kókshetaý) týrdyń alǵashqy kezdesýin ótkizedi. Odan keıin 19:30-da «Ordabasy» (Shymkent) men «Ulytaý» (Jezqazǵan), «Astana» men «Jeńis» (Astana) sheberlik baıqasady.

Al 25 mamyrda 16:00-de «Jetisý» (Taldyqorǵan) men «Aqtóbe», odan keıin 18:00-de «Qyzyljar» (Petropavl) men «Elimaı» (Semeı), «Atyraý» men «Qaısar» (Qyzylorda) oınaıdy.

Atalǵan týrdy 20:00-de «Turan» (Túrkistan) men «Tobyl» (Qostanaı) túıindeıdi.

Aıta ketsek, qazirge deıin kósh basynda 25 upaımen «Aqtóbe» keledi. Odan keıingi oryndardaǵy «Qaırattyń» 23, «Astananyń» 21 upaıy bar.

Eske salsaq, budan buryn fýtboldan birinshi lıgada «Altaı» qatarynan úshinshi márte jeńiske jetti.