Búgin Qazaqstan boıynsha jel kúsheıip, keı jerlerde tuman túsedi - Qazgıdromet

ASTANA. KAZINFORM – Baıaý jyljıtyn antıtsıklon saldarynan Qazaqstannyń barlyq aýmaǵynda kún jaýyn-shashynsyz bolady, dep habarlaıdy Qazgıdromet.

Soltústik-shyǵysta, ońtústik-shyǵysta, eldiń ortalyǵynda frontaldy bólikterdiń áserinen jańbyr jaýady, shyǵysta naızaǵaı oınaıdy. Respýblıka boıynsha jel kúsheıip, eldiń ońtústiginde shańdy daýyl turady, soltústik-shyǵysta, ońtústik-shyǵysta, ortalyqta túnde jáne tańerteń tuman bolady.

Aqtóbe, Ulytaý oblystarynda, Jetisý oblysynyń batysynda, Batys Qazaqstan oblysynyń soltústiginde, soltústik-shyǵysynda, Qyzylorda oblysynyń soltústik-batysynda, batysynda, Almaty oblysynyń batysynda, soltústiginde, Jambyl oblysynyń ońtústik-shyǵysynda, Qaraǵandy oblysynyń batysynda, ortalyǵynda, Shyǵys Qazaqstan oblysynyń ońtústiginde, batysynda, Qostanaı oblysynyń ońtústiginde joǵary órt qaýipi saqtalady.

Qyzylorda, Túrkistan, Jambyl, Atyraý, Mańǵystaý, Batys Qazaqstan oblystarynda Qaraǵandy oblysynyń shyǵysynda, Almaty oblysynyń ortalyǵynda, Ulytaý oblysynyń soltústiginde, ońtústiginde, Abaı oblysynyń batysynda, soltústik-batysynda, ońtústiginde, Jetisý oblysynyń soltústiginde, Aqtóbe oblysynyń ońtústiginde tótenshe órt qaýpi saqtalady.