Búgin qazaq eli úshin úlken mereke — Danııa Espaeva
ASTANA. KAZINFORM — «Aq jol» demokratııalyq partııasynyń tóraǵasy Danııa Espaeva Quryltaı saılaýynda daýys berip, búgingi kúndi el tarıhyndaǵy mańyzdy kezeń dep atady.
— Búgin qazaq eli úshin úlken mereke dep oılaımyn. Tarıhymyzda alǵash ret Quryltaıǵa saılaý ótip jatyr. Halqymyz óziniń belsendiligin kórsetip, saılaýǵa kelip, óz tańdaýyn jasaıdy dep oılaımyn, — dedi Danııa Espaeva.
Partııa tóraǵasynyń aıtýynsha, azamattardyń saıasatqa degen qyzyǵýshylyǵy men belsendiligin saılaýaldy naýqan kezinde de artqanyn atap ótti. Onyń sózinshe, jeti partııanyń barlyǵy saılaýshylardyń nazaryn aýdaryp, daýysyn alý úshin belsendi jumys júrgizdi.
— Biz buǵan deıin de birneshe saılaýǵa qatystyq. Ózimiz qalyptastyrǵan jumys júıesi bar. Sondyqtan barlyq óńirde belsendi jumys júrgizildi, — dedi Danııa Espaeva.
Aıta keteıik, Qytaıdaǵy qazaqstandyqtar daýys berýge belsendi qatysyp jatqanyn jazǵan edik.
