Búgin qaı óńirlerdiń aýasy lastanady

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.

— 28 naýryzda Almaty, Astana, Pavlodar qalalarynda aýanyń lastanýy úshin qolaısyz meteorologııalyq jaǵdaılar kútiledi, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, aldaǵy úsh kúnde keı óńirde 30 gradýs ystyq bolady. Al búgin elimizdiń basym bóliginde aýa raıy qolaısyz bolady.