Búgin qaı óńirlerde oqýshylar onlaın oqıdy

ASTANA. KAZINFORM – Birqatar óńirde aýa raıynyń qolaısyzdyǵyna baılanysty oqýshylar qashyqtan oqý formatyna kóshirildi.

Batys Qazaqstan oblysy

Oral qalasy boıynsha 2026 jyldyń 27 qańtar kúni aýa temperatýrasy -29,5 gradýs aıaz. І aýysymdaǵy 1-11 synyptarda sabaq qashyqtan oqytý formatyna aýystyrylady.

Aqmola oblysy

27 qańtarda Kókshetaýda aýa raıynyń qolaısyzdyǵyna baılanysty birinshi aýysymnyń 1-9 synyp oqýshylary qashyqtan oqıdy.

Soltústik Qazaqstan oblysy

Aýa temperatýrasynyń -27 gradýsqa deıin tómendeýine baılanysty birinshi aýysymdaǵy 0-9 synyp oqýshylaryna arnalǵan sabaqtar qashyqtyqtan oqytý formatyna aýystyrylady.

Qostanaı oblysy

Aýa temperatýrasynyń –31-32 C-qa deıin tómendeýine jáne jel jyldamdyǵynyń 6 m/s bolýyna baılanysty Qostanaı qalasyndaǵy mektepterdiń 1 aýysymynda oqıtyn MADS, 1-11synyp oqýshylary 2026 jylǵy 27qańtarda qashyqtan oqytý formatyna aýystyrylady.

27 qańtarda aýa temperatýrasy —31°C—32°C, jeldiń jyldamdyǵy 6 m/s bolýyna baılanysty Qostanaı qalasy kolledjderiniń 1-aýysymyndaǵy 1–2 kýrs stýdentteri qashyqtyqtan oqytý formatyna aýystyrylady.

1-aýysymdaǵy 3–4 kýrstardy qashyqtyqtan oqytý formatyna aýystyrý týraly sheshimdi kolledj dırektorlary ózderi qabyldaıdy. Aımaqtar ózderiniń aýa raıy jaǵdaıyna baılanysty sheshim qabyldaıdy.

Aıta keteıik, 27 qańtarda elimizdiń basym bóliginde burqasyn bolyp, tuman basady. Sondaı-aq qar da jaýady. Al keıbir óńirde jeldiń ekpini 15-20 m/s deıin jetýi múmkin.