Búgin qaı qalalarda aýa sapasynyń nasharlaıtyny belgili boldy

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

«27 aqpanda Astana, Pavlodar, Qostanaı, Oral, Aqtóbe, Óskemen, Semeı, Rıdder qalalarynda Aýanyń lastanýynyń qolaısyz meteorologııalyq jaǵdaılary kútiledi», delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Aıta keteıik, Almatyda aqpan aıynda 600-den astam avtokólik ekologııalyq normany buzǵan.

Al Óskemende ekinshi kún qatarynan aýa lastanyp tur.