Búgin qaı qalalarda aýa sapasynyń nasharlaıtyny belgili boldy
ASTANA. KAZINFORM – «Qazgıdromet» RMK elimizdegi aýa sapasyna qatysty boljamyn jarııalady.
– 14 tamyzda Almaty, túnde Óskemen qalalarynda qolaısyz meteorologııalyq jaǵdaılar kútiledi, – delingen habarlamada.
Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Qaraǵandy oblysynda ekologııalyq zańnama talaptaryn buzǵan kásiporynǵa 8,65 mln teńge aıyppul salyndy.
Al jýyrda Pavlodarda JEO murjasynan býdaqtaǵan qara tútin jurtty shoshytqanyn jazdyq.
Sondaı-aq Mańǵystaýda Jetibaı aýyly mańyndaǵy qoqys polıgony eki kúnnen beri tutanyp jatyr.
Al Atyraýda ekologııalyq tekseristi paramen sheshpek bolǵan basshy 270 mln teńge aıyppul arqalady.
