Búgin qaı qalalarda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 16 qyrkúıekte Almaty qalasynda, túnde Atyraý, Óskemen, Semeı qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Shyǵys Qazaqstan oblysynda ekologııalyq zańnama talaptaryn buzǵan ákimder jaýapqa tartyldy.
Al Óskemen qalasynda aýaǵa taraǵan úsh zııandy zattyń mólsheri shekti deńgeıden asyp ketkeni anyqtaldy.
Eske salaıyq, Ertis-Baıan óńirinde aýaǵa shyǵarylatyn lastaýshy zattardyń jartysyna jýyǵy Ekibastuz qalasyna tıesili.
