Búgin qaı qalalarda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 8 qarashada Almaty, Taldyqorǵan, Pavlodar, túnde Astana, Aqtóbe, Kókshetaý qalalarynda atmosferada lastaýshy zattardyń jınalýyna yqpal etetin meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Soltústik Qazaqstan oblysynda ekologııalyq talaptardy oryndamaǵan 16 sýbekt ákimshilik jaýapkershilikke tartyldy. Olarǵa salynǵan aıyppuldyń jalpy somasy 3 mln teńgeden asty.
Sondaı-aq Qaraǵandy oblysynda ekologııalyq ahýal kúrdeli bolyp tur. Óńirde aýaǵa 293,7 myń tonna zııandy zat taraǵan.
Eske salaıyq, Bangkok qalasynda Kaspıı teńiziniń ekologııalyq jaǵdaıy talqylandy.
