Búgin qaı qalalarda aýa sapasy nasharlaıdy
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 19 shildede Almaty, Balqash qalalarynda, túnde Óskemen, Semeı, Rıdder qalalarynda qolaısyz meteorologııalyq jaǵdaılar kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Almatyda ekologııalyq zań buzǵan kásiporyndarǵa 34 mln teńgege jýyq aıyppul salyndy.
Sonymen birge BQO-da ekologııalyq zańnamany buzǵandardan bıýdjetke 2 mlrd teńge óndirildi.
