Búgin qaı qalalarda aýa sapasy nasharlaýy múmkin

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.  

— 2025 jylǵy 25 jeltoqsanda Almaty, Pavlodar, Atyraý qalalarynda aýanyń lastanýynyń qolaısyz meteorologııalyq jaǵdaılary boljanǵan, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osyǵan deıin Qazaqstannyń 15 oblysynda aýa raıyna baılanysty eskertý jarııalanǵany týraly jazdyq.