Búgin Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótedi

ASTANA. KAZINFORM – Búgin Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótedi, dep habarlaıdy Aqordanyń baspasóz qyzmeti.

Elimizdiń 2024 jylǵy áleýmettik-ekonomıkalyq damýy qorytyndylanyp, aldaǵy kezeńge arnalǵan negizgi mindetter aıqyndalatyn jıyn sanaýly sátten keıin bastalady.

Osyǵan deıin Qasym-Jomart Toqaevtyń tóraǵalyǵymen 2025 jylǵy 28 qańtarda Qazaqstan Respýblıkasy Úkimetiniń keńeıtilgen otyrysy ótetini týraly habarlandy.

Onda Premer-Mınıstr Oljas Bektenov, Ulttyq bank tóraǵasy Tımýr Súleımenov jáne birqatar óńirdiń ákimderi baıandama jasaıdy.

Osyǵan qaraı, Kazinform Prezıdenttiń byltyr qaı baǵyttarǵa nazar aýdarǵany týraly saraptamalyq materıal jarııalady.