Búgin hokkeıden álem chempıonatynyń jartylaı fınaly ótedi
ASTANA. KAZINFORM — Shaıbaly hokkeıden 2026 jylǵy álem chempıonaty elıtalyq dıvızıonynda jartylaı fınalǵa shyqqan barlyq qurama belgili boldy.
Bul kezeńdegi oıynnyń birinde Norvegııa men Latvııa quramalary sheberlik baıqasty. Kezdesý qos qarsylastyń tartysty oıynymen órbidi. Birinshi kezeńde olar bir-biriniń qaqpasynan sańylaý taba alǵan joq. Ekinshi jáne úshinshi kezeńde norvegııalyq hokkeıshiler bir-birden gol soǵyp ketti.
Osylaısha olar qarsylasyn 2:0 esebimen qapy qaldyryp, jartylaı fınal joldamasyna qol jetkizdi.
Taǵy bir oıynda Shveıtsarııa men Shvetsııa kezdesti. Birinshi kezeńde qarsylastar bir-bir márteden kózge tússe, shveıtsarııalyq hokkeıshiler ekinshi kezeńde eki márte qaqpany dál kózdedi.
Qarsylasynan 3:1 esebimen basym túsken shveıtsarııalyq qurama endi fınal joldamasyn sarapqa salýǵa múmkindik aldy.
Sondaı-aq budan buryn shırek fınalda Kanada quramasy AQSh-tan: 4:0, Fınlıandııa quramasy Chehııadan 4:1 esebimen basym tústi.
Endi búgin, 29 mamyrda jartylaı fınalda Kanada men Fınlıandııa, Norvegııa men Latvııa kezdesedi.
Jartylaı fınal oıyndary 30 mamyrǵa belgilengen. Fınal men 3-oryn úshin oıyn 31 mamyrda ótkiziledi.
Bıyl elıtalyq dıvızıonnan Italııa men Ulybrıtanııa quramalary túsip qaldy. Olardyń ornyn birinshi dıvızıonda alǵashqy eki orynǵa ıe bolǵan Qazaqstan men Ýkraına quramalary ıe boldy.
Shaıbaly hokkeıden álem chempıonaty 1920 jyldan beri turaqty túrde ótkizilip keledi. Kanada — 28, Reseı (KSRO) — 27, Chehııa (Chehoslovakııa) — 13, Shvetsııa — 11, Fınlıandııa — 4, AQSh — 3, Ulybrıtanııa men Slovakııa 1 márte chempıondyq tuǵyrǵa kóterildi.
