Búgin Hanchjoýda 19-shy Azııa oıyndarynyń ashylý saltanaty ótedi

23 qyrkúıek kúni keshke Qytaıdyń Hanchjoý qalasyndaǵy Úlken Lotýs stadıonynda 19-shy Azııa oıyndarynyń ashylý saltanaty ótedi, dep habarlaıdy QazAqparat tilshisi.

Hanchjoýdaǵy Azııa oıyndarynyń ashylý saltanaty úsh taqyrypqa bólinedi: birinshi – «Ulttyq ádet-ǵuryptyń jemisi», ekinshisi - «Tszıantan ózenindegi tolqyn», úshinshi - «Biz qol ustasyp júremiz». Uıymdastyrýshylardyń aıtýynsha, saltanatty shara kezindegi otshashýlar tsıfrlyq jaǵdaıda bolady, al Azııa oıyndarynyń alaýyn jaǵý onlaın jáne oflaın formatta ótedi.

80 myń kórermenge arnalǵan Úlken Lotos stadıony Azııa oıyndarynyń basty arenasyna aınalady. Onda Azııa oıyndarynyń jabylý saltanaty, jeńil atletıkadan jarystar uıymdastyrylady.

Qytaı tóraǵasy Sı Tszınpın 19-shy Azııa oıyndarynyń ashylý saltanatyna qatysady jáne ol oıyndardy ashyq dep jarııalaıdy.

Hanchjoýdaǵy Azııa oıyndary 1990 jylǵy Beıjiń men 2010 jylǵy Gýanchjoýdan keıingi Qytaıdaǵy úshinshi Azııa oıyndary bolmaq.

21 qyrkúıekte Azııa oıyndaryna qazaqstandyq sport delegatsııasynyń resmı kelýine oraı Hanchjoý qalasynda Qazaqstannyń týyn kóterý rásimi  ótti.

UOK málimetinshe, Qazaqstan quramasy 30 sport túrinen medaldar úshin talasatyn 525 sportshydan turady, onyń 27-si olımpıadalyq.

2022 jylǵy Azııa oıyndary Hanchjoýda 23 qyrkúıekten 8 qazanǵa deıin jalǵasady. Medaldar sporttyń 40 túrinen beriledi. Qazaqstan Azııa oıyndaryna 1994 jyldan beri qatysyp keledi.