Qazaqstanda qansha ilbis bar
ASTANA. KAZINFORM — 23 qazan — Іlbistiń halyqaralyq kúni. Ol Ortalyq Azııanyń taýly ólkesi men jabaıy tabıǵatynyń sımvoly sanalatyn kıeli ań sanalady.
Bul kún 2013 jyly Dúnıejúzilik jabaıy tabıǵat qorynyń (WWF) bastamasymen bekitilip, sırek kezdesetin bul túrge tóngen qaýipterge qoǵam nazaryn aýdarý jáne ony saqtaý jolyndaǵy halyqaralyq yntymaqtastyqty nyǵaıtý maqsatynda jarııalanǵan.
Qar barysy — planetamyzdaǵy eń ádemi ári tylsym jyrtqyshtardyń biri, sonymen qatar Qazaqstannyń Qyzyl kitabyna engizilgen.
Sońǵy eseptik derekterge sáıkes, elimizde shamamen 152–189 dara qar barysy mekendeıdi. Bul kórsetkish turaqty popýlıatsııany bildiredi, degenmen bul túrdi saqtaý jónindegi júıeli sharalardy jalǵastyrýdyń ózektiligin de aıqyndaıdy.
Qar barysy búgingi tańda Qazaqstannyń 9 erekshe qorǵalatyn tabıǵı aýmaǵynda, sonyń ishinde ulttyq parkter men qoryqtarda mekendeıdi.
Bul tabıǵı aýmaqtar qar barysy men basqa da sırek kezdesetin ósimdikter men janýarlar túrleriniń tirshiligine negiz bolatyn ekojúıelerdi saqtaýda mańyzdy ról atqarady.
Qar barysynyń halyqaralyq kúnine oraı erekshe beınematerıal daıyndaldy. Ondaǵy kadrlar Qazaqstannyń erekshe qorǵalatyn tabıǵı aýmaqtarynda ornatylǵan fototuzaqtar arqyly túsirilgen.
Bul beınelerde qar barysy tabıǵı mekeninde erkin ómir súrip jatqanyn kórsetedi.
Aıta ketelik Almaty oblysynda qar barysy men sileýsin fototuzaqqa túsip qalǵan edi.