Búgin fýtzaldan Qazaqstan quramasy joldastyq kezdesý ótkizedi

ASTANA. KAZINFORM - Búgin fýtzaldan Qazaqstan quramasy Iranmen ekinshi joldastyq kezdesý ótkizedi. 

Eki qurama arasyndaǵy alǵashqy joldastyq kezdesýde qazaqstandyq fýtzalshylar 4:1 esebimen jeńiske jetti.

Oıyn jergilikti ýaqytpen 19:55-de bastalyp, «Qazsport» telearnasynan tikeleı efırde kórsetiledi.

Jıynnyń qorytyndy kezeńi Almatyda 6-10 qyrkúıek aralyǵynda bolady. Qazaqstan quramasy 8 qyrkúıek kúni Argentınamen sheberlik baıqasady.

Aıta ketsek, bıyl álem chempıonaty 14 qyrkúıek pen 6 qazan aralyǵynda Ózbekstanda ótedi. Qarsylastary - Ispanııa, Lıvııa jáne Jańa Zelandııa.

Eske salsaq, budan buryn qazaqstandyq fýtzalshylar Tájikstan quramasymen eki márte joldastyq kezdesýde 4:3, 3:0 esebimen jeńiske jetti.