Búgin fýtzaldan Qazaqstan quramasy Vetnammen joldastyq kezdesý ótkizedi

ASTANA. KAZINFORM - Búgin fýtzaldan Qazaqstan ulttyq quramasy Vetnammen joldastyq kezdesý ótkizedi.

FIFA kúntizbesine sáıkes ulttyq qurama 8-16 sáýir aralyǵynda oqý-jattyǵý jıynyn uıymdastyrady. Olar oqý-jattyǵý jıyny aıasynda Vetnammen sheberlik baıqasady. Kezdesý 16:00-ge belgilengen.

Eki oıyn da sol eldiń astanasy Hoshımın qalasynda 13-15 sáýir kúnderi bolady. Oqý-jattyǵý jıyny 8 sáýirde Astanada bastaldy. Oǵan 14 oıynshy qatysty.

Oıynshylar tizimi tómendegishe:

Qaqpashylar: Leo Igıta («Semeı»), Qanat Jetkirbaev («Aqtóbe»)

Alańdaǵy oıynshylar: Azat Valıýllın («Aıat»), Ersultan Saǵyndyqov («Aıat»), Ivan Marahov («Aıat»), Jahangır Rashıt («Qaırat»), Damır Qaıyrbaı («Qaırat»), Aqjol Dáribaı («Semeı»), Erjan Karmenov («Semeı»), Ábdirásil Abdýmanapuly («Semeı»), Albert Aqbalyqov («Aqtóbe»), Saıfýlla Qospanov («Aqtóbe»), Nursultan Pııaly («Ordabasy»), Aleksandr Derıabın («Tıýmen», Reseı).

Eske salsaq, budan buryn fýtzaldan Qazaqstan quramasy FIFA reıtınginde eki satyǵa tómendedi.