Búgin fýtzaldan Qazaqstan kýbogynyń shırek fınaly ótedi

ASTANA. KAZINFORM — Búgin fýtzaldan Qazaqstan kýbogynyń shırek fınal oıyndary bolady.

Jarystyń atalǵan satysynda saǵat 15:00–de almatylyq «Qaırat» «Qaraǵandy» komandasymen kezdesse, dál sol ýaqytta «Atyraý» men «Tulpar» (Qaraǵandy) oınaıdy. 

Sondaı-aq 18:00–de «Semeı» men «Elimaı» (Kókshetaý) sheberlik baıqassa, «Aıat» (Rýdnyı) pen «Aqtóbe» ózara myqtyny anyqtaıdy.

Olardyń arasynan «Qaırat» pen «Qaraǵandy», «Aıat» (Rýdnyı) pen «Aqtóbe» kezdesýi «QazSport» telearnasynan tikeleı efırde kórsetiledi.

Týrnırge barlyǵy 16 komanda qatysyp, tórt topqa bólindi. A toby men D tobynyń oıyndary Oral, B jáne C tobynyń matchtary Taldyqorǵan qalasynda ótkizildi. Toptyq kezeń 25-30 tamyz aralyǵynda uıymdastyryldy.

Eske salsaq, Almatynyń «Qaıraty» bıyl fýtzaldan sýperkýbok ıegeri atandy.

Almatylyq klýb fınalda «Semeıdi» 1:0 esebimen tize búktirip, jeńis tuǵyryna kóterildi.