Búgin fýtzaldan Qazaqstan kýbogynyń fınaly ótedi

ASTANA. KAZINFORM — 23 naýryzda fýtzaldan Qazaqstan kýbogy fınalynda almatylyq «Qaırat» pen «Semeı» komandalary kezdesedi.

Atalǵan oıyn elorda ýaqytymen 18:55–te bastalyp, «Qazsport» telearnasynan tikeleı efırde kórsetiledi. 

Jartylaı fınalda «Qaırat» Rýdnyıdyń «Aıat» komandasyn 3:0, «Semeı» «Aqtóbeni» 5:2 esebimen jeńdi. 

2024 jyly eki komanda Qazaqstan kýbogy fınalynda sheberlik baıqasqan edi. Ol joly almatylyq klýb jeńis tuǵyryna kóterildi.

Qazaqstan kýbogy 1996 jyldan beri turaqty túrde ótkizilip keledi. Sodan beri «Qaırat» on toǵyz márte kýbokty tóbesine kóterse, olardan basqa qaraǵandylyq «Tulpar», aqtaýlyq «Munaıshy», «Aqtóbe» jáne ózge klýbtar jeńimpaz boldy.

Eske salsaq, fýtzaldan 2026 jylǵy Eýropa chempıonatyna irikteý kezeńinde Qazaqstan quramasy ekinshi oryn aldy.