Búgin fýtzaldan Qazaqstan kýbogynyń fınaly ótedi

ASTANA. KAZINFORM - Búgin 28 jeltoqsanda fýtzaldan Qazaqstan kýbogy fınalynda almatylyq «Aqtóbe» men «Semeı» komandalary kezdesedi. 

Bul oıyn Qazaqstan ýaqytymen 18:50-de bastalyp, «Qazsport» telearnasynan tikeleı efırde kórsetiledi. 

Jartylaı fınalda «Aqtóbe» almatylyq «Qaıratty» 5:4 esebimen tize búktirse, «Semeı» «Atyraýdan» 4:3 esebimen basym tústi.

Komandalar aldymen toptyq kezeńde synǵa tústi. Іrikteý kezeńiniń qorytyndysy boıynsha ár toptyń úzdik komandalary kelesi kezeńge joldama aldy. Odan shırek fınal oıyndary ótti. 

Qazaqstan kýbogy 1996 jyldan beri turaqty túrde ótkizilip keledi. Sodan beri «Qaırat» on toǵyz márte kýbokty tóbesine kóterse, olardan basqa qaraǵandylyq «Tulpar», aqtaýlyq «Munaıshy», «Aqtóbe» jáne ózge klýbtar jeńimpaz boldy.

Eske salsaq, budan buryn Almatynyń «Qaırat» klýby fýtzaldan Chempıondar lıgasynyń shırek fınalynda qaı komandamen kezdesetini belgili boldy.