Búgin fýtzaldan Qazaqstan birinshiliginde «Semeı» men «Qaırat» kezdesedi

ASTANA. KAZINFORM - Búgin fýtzaldan Qazaqstan birinshiligi IV týrynyń kezekti oıyn kúni ótedi.

Bul kúngi basty kezdesýde «Semeı» men almatylyq «Qaırat» komandalary arasynda ótedi. Oıyn Qazaqstan ýaqytymen saǵat 19:30-da bastalady.

Qos komanda keıingi jyldary el birinshiliginde bas júldege talasyp keledi. Sondaı-aq olar eýrokýbok oıyndarynda Qazaqstan namysyn qorǵap júr.

Sondaı-aq atalǵan týrda «Baıterek» (Oral) men «Tulpar» (Qaraǵandy), «Astana» men «Aqtóbe», «Saryarqa» (Qaraǵandy) men «Jetisý» (Taldyqorǵan), «Ordabasy» (Shymkent) pen «Aıat» (Rýdnyı) sheberlik baıqasady.

Komandalar erteń, 28 qyrkúıekte taǵy bir oıyn ótkizedi.

Bul týrda 25-26 qyrkúıek kúnderi aqtaýlyq «Kaspıı» «Atyraýdy» 3:2 sebimen jeńse, taǵy bir kezdesýde 0:0 esebimen teń tústi.

Qazir týrnır kestesinde tórt oıynnan keıin 7 upaı jınaǵan «Atyraý» kósh bastasa, olardan eki oıyn kem ótkizgen «Tulpar», «Aqtóbe», «Qaırat», «Semeı» odan keıingi oryndardy ózara bólisip tur.

Aıta ketsek, fýtzaldan el birinshiliginde bıyl 12 komanda baq synap jatyr.

Eske salsaq, bıyl Almatynyń «Qaıraty» fýtzaldan sýperkýbok ıegeri atandy.