Búgin fýtboldan joldastyq kezdesýde Qazaqstan men Armenııa quramalary oınaıdy

ASTANA. KAZINFORM — Búgin, 7 maýsymda fýtboldan Qazaqstan jáne Armenııa quramalary arasynda joldastyq kezdesý ótedi.

Oıyn Armenııa astanasy Erevan qalasyndaǵy Vazgen Sarkısıan atyndaǵy respýblıkalyq stadıonda ótedi.

Kezdesý saǵat 23:25–te Qazsport telearnasynan tikeleı efırde kórsetiledi. 

Joldastyq kezdesýde grýzııalyq Goga Kıkacheıshvılı bastaǵan tóreshiler brıgadasy qyzmet atqarady.

Eki qurama qazirge deıin jeti márte ózara kezdesti. Onyń tórteýinde Armenııa jeńiske jetse, ekeýinde Qazaqstan basym tústi. Bir oıynda teń nátıje tirkeldi.

FIFA reıtıngisinde Qazaqstan 103-orynda tursa, Armenııa 95-orynda keledi. 

Bul oıynda Qazaqstan quramasy bas bapkeri mindetin qazaqstandyq maman Rýslan Baltıev atqarady. 

Sondaı-aq el quramasy 11 maýsymda Ázerbaıjanmen joldastyq kezdesý ótkizedi.

Eske salsaq, ÝEFA Ulttar lıgasynyń 2024/25 maýsymynda Qazaqstan V lıgasynda Avstrııa, Norvegııa jáne Slovenııa quramalarymen birge úshinshi topta oınaıdy.

Aıta ketsek, maýsym aıynyń basynda Stanıslav Cherchesov fýtboldan Qazaqstan quramasy bas bapkeri qyzmetine taǵaıyndaldy.