Búgin fýtboldan Qazaqstan jastar quramasy Anglııamen oınaıdy

ASTANA. KAZINFORM — Búgin Qazaqstan 21 jasqa deıingi quramasy Eýropa chempıonatynyń irikteý kezeńi aıasynda Aqtóbede Anglııa quramasyn qabyldaıdy.Kezdesý Qazaqstan ýaqytymen 18:50–de bastalyp, «Qazsport» telearnasynan tikeleı efırde kórsetiledi. 

Aıta keteıik, Qazaqstan jastar quramasy D tobynda Anglııa, Irlandııa, Slovakııa, Moldova jáne Andorra quramalarymen oınaıdy.

Olar 5 maýsym kúni Astanada Andorradan 1:0 esebimen basym tústi. 

Al 9 qazanda 2027 jylǵy Eýropa chempıonaty irikteý kezeńi aıasynda syrt alańda Andorramen oınaıdy.

Aǵa bapker Denıs Mamonov jetekshilik etetin quramanyń oqý-jattyǵý jıyny 31 tamyzda Almaty qalasynda bastalady. Quramǵa 24 oıynshy endi.

Qaqpashylar: Nuraly Nurǵalıev («Shahter»), Dýlat Talyspaev («Kege», Danııa), Ábilqaıyr Alıakbar («Altaı»);
Qorǵaýshylar: Sultan Asqarov, Ramazan Kárimov (ekeýi de — «Jetisý»), Álı Turǵanov («Ońtústik Akademııasy»), Aleksandr Mrynskıı («Qaırat»), Álıhan Serikbaı («Kaspıı»), Temirlan Myrzaǵalıev, Nıkıta Gýbarev (ekeýi de — «Qaısar»), Bahtııar Tóleýov («Ertis»);
Jartylaı qorǵaýshylar: Davıd Esimbekov («Jetisý»), Oljas Baıbek («Qaırat»), Ábınur Nurymbet, Tamerlan Aǵymanov (ekeýi de — «Ertis»), Vıacheslav Raskatov («Kaspıı»), Nuraly Jaqsylyq («Astana»), Aıan Baıdáýletov («Aqtóbe»);
Shabýylshylar: Gleb Valgýshev («Qyzyljar»), Seıf Popov («Altaı»), ıAn Trýfanov («Atyraý»), Maǵjan Toqtybaı («Ońtústik Akademııasy»), Artem Lıtosh («Shahter»), Ramazan Baǵdat («Qaırat»);

Qurlyqtyq dodanyń irikteý kezeńi 2026 jyldyń 6 qazanynda máresine jetedi.

Sondaı-aq Qazaqstan fýtbol federatsııasy men Ózbekstan fýtbol qaýymdastyǵy 21 jasqa deıingi jastar quramalary arasynda eki joldastyq oıyn ótkizý týraly kelisimge keldi.