Búgin fýtboldan Qazaqstan kýbogy jartylaı fınalynyń qarymta kezdesýi ótedi

ASTANA. KAZINFORM - Búgin fýtboldan Qazaqstan kýbogy jartylaı fınalynyń qarymta oıyndary bastalady.

Sǵat 19:00-de «Ordabasy» (Shymkent) men «Qyzyljar» (Petropavl) kim myqtyny anyqtaıdy. Alǵashqy oıynda qos klýb 0:0 esebine qanaǵat bildirgen edi.

Al, 29 tamyzda 19:00-de «Jeńis» (Astana) pen «Tobyl» (Qostanaı) oınaıdy. Birinshi kezdesýde qostanaılyq klýb 2:1 esebimen jeńiske jetken. 

Shırek fınalda «Ordabasy» almatylyq «Qaırattan» 1:0 esebimen basym tússe, «Qyzyljar» semeılik «Elimaıdy» penaltı serııasynda qapy qaldyrdy. Al elordalyq «Jeńis» jáne «Astana» kezdesýiniń negizgi kezeńinde 1:1 esebimen teń tústi. Penaltı serııasynda «Jeńis» jartylaı fınalǵa joldama aldy. Osylaısha el birinshiligindegi qos úzdik ujym «Astana» men «Qaırat» atalǵan týrnırden tys qaldy. Qostanaılyq «Tobyl» bolsa syrt alańda túrkistandyq «Turandy» 2:0 esebimen tize búktirdi. 

Bıyl Qazaqstan kýbogyna Premer-lıga, Birinshi jáne Ekinshi lıgadan barlyǵy 30 komanda qatysty. Aldymen Birinshi jáne Ekinshi lıga komandalary alǵashqy irikteý kezeńin ótkizdi. 

Olardyń arasynan irkilmeı shyqqan eki klýb 1/8 fınalda Premer-lıga komandalary qataryna qosyldy. 

Jeńimpaz 2026 jyly Konferentsııa lıgasynyń ekinshi irikteý kezeńine joldama alady.