Búgin fýtboldan Qazaqstan kýbogynyń shırek fınaly ótedi

Bir kezdesýdiń nátıjesimen jeńimpaz komandalar jartylaı fınalǵa joldama alady. 

Oıyndar kestesi

13 mamyr

• 19:00. «Aqtóbe» - «Altaı» 
• 19:00. «Jeńis» - «Qyzyljar» 
• 20:00. «Ordabasy» - «Jetisý»
• 20:00. «Qaısar» - «Tobyl».

Jartylaı fınalda «Ordabasy» - «Jetisý», «Aqtóbe» - «Altaı» jubynyń jeńimpazdary ózara fınal joldamasyn sarapqa salsa, «Qaısar» - «Tobyl», «Jeńis» - «Qyzyljar» jubynyń jeńimpazdary dál sondaı múmkindikke ıe bolady.

Bıyl Qazaqstan kýbogynda Dımıtar Mıtkov («Ordabasy»), Azamat Tuıaqbaev («Qaırat») 3 golmen kósh basynda keledi. 

Qazaqstan kýbogynda basty favorıt retinde belgilengen «Astana», «Qaırat» (Almaty), «Elimaı» (Semeı) komandalary jarys jolyn 1/8 fınalda aıaqtady. Endigi kezekte oǵan «Ordabasy», «Aqtóbe», «Tobyl» komandalarynyń múmkindigi artyp tur. 

Qazaqstan kýbogy 1992 jyldan beri turaqty túrde ótkizilip keledi.

Qazirge deıin barlyǵy 15 komanda kýbokty jeńip aldy. Onyń ishinde «Qaırat» (Almaty) — 10, «Jeńis» (Astana), «Astana», «Tobyl» (Qostanaı) — 3, «Aqtóbe», «Qaısar» (Qyzylorda), «Ordabasy» (Shymkent) -2, «Atyraý», «Ertis» (Pavlodar), «Taraz», «Shahter» (Qaraǵandy), «Vostok» (Óskemen), «Almaty», «Dostyq» (Almaty), «Spartak» (Semeı) 1 márteden jeńimpaz atandy.