Búgin fýtboldan Qazaqstan - Ázerbaıjan quramalarynyń joldastyq kezdesýi ótedi

ASTANA. KAZINFORM - Búgin, 11 maýsymda fýtboldan Qazaqstan jáne Ázerbaıjan quramalary arasynda joldastyq kezdesý ótedi.

Oıyn Vengrııanyń Sombatheı qalasyndaǵy «Haladash» stadıonynda ótkiziledi.

Kezdesý 11 maýsymda saǵat 21:00-de Qazsport telearnasynan tikeleı efırde kórsetiledi.

Eki qurama qazirge deıin segiz márte ózara kezdesti. Onyń ekeýinde Ázerbaıjan jeńiske jetse, tórteýinde Qazaqstan basym tústi. Eki oıynda teń nátıje tirkeldi.

FIFA reıtıngisinde Qazaqstan 100-orynda tursa, Ázerbaıjan 113-orynda keledi.

Bul oıynda Qazaqstan quramasy bas bapkeri mindetin qazaqstandyq maman Rýslan Baltıev atqarady.

Eske salsaq, budan buryn Qazaqstan quramasy 7 maýsymda Armenııaǵa 1:2 esebimen ese jiberdi.

Eske salsaq, ÝEFA Ulttar lıgasynyń 2024/25 maýsymynda Qazaqstan V lıgasynda Avstrııa, Norvegııa jáne Slovenııa quramalarymen birge úshinshi topta oınaıdy.

Aıta ketsek, maýsym aıynyń basynda Stanıslav Cherchesov fýtboldan Qazaqstan quramasy bas bapkeri qyzmetine taǵaıyndaldy.