Búgin fýtboldan elimizdiń áıelder lıgasynda on altynshy týr ótedi

ASTANA. KAZINFORM — Bul týrdyń oıyndary eki kúnge belgilengen. Búgin, 4 tamyzda alty kezdesý ótkizilse, bireýi 5 tamyzda ótedi.

Qazir shymkenttik «BIІK», «Aqtóbe», túrkistandyq «Tomırıs-Turan» komandalary úzdik úshtikte keledi. Sondyqtan olar búgingi oıynda jeńiske jetýge bar kúshin salatyny anyq.

Oıyn kestesi:

4 tamyz

«Jeńis» (Astana) — «Aqtóbe»
«Tobyl» (Qostanaı) — «Qaırat» (Almaty)
«Elimaı» (Semeı) — «Astana»
«Jetisý» (Taldyqorǵan) — «Tomırıs-Turan» (Túrkistan)
«Ulytaý» (Jezqazǵan) — BIІK (Shymkent)
«Qaısar» (Qyzylorda) — «Atyraý»

5 tamyz

«Oqjetpes» (Kókshetaý) — «Qyzyljar» (Petropavl)

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.

Eske salsaq, budan buryn fýtboldan áıelder arasyndaǵy Qazaqstan chempıonatynyń XVtýrynda «Aqtóbe» óz alańynda shymkenttik «BIІK» komandasynan basym tústi.