Búgin fýtboldan el birinshiliginiń toǵyzynshy týry bastalady

ASTANA. KAZINFORM — Búgin, 18 mamyrda fýtboldan Qazaqstan Premer-lıgasynyń toǵyzynshy týry aıasynda úsh oıyn ótedi. 

Aldymen 17:00-de «Atyraý» men «Astana» jasyl alańǵa shyǵady.

Odan keıin 19:00-de «Aqtóbe» men «Ordabasy» (Shymkent), 21.00-de «Qaısar» (Qyzylorda) men «Jeńis» (Astana) sheberlik baıqasady.

Al 19 mamyrda 17:00-de «Shahter» (Qaarǵandy) men «Tobyl» (Qostanaı), «Jetisý» (Taldyqorǵan) men «Qyzyljar» (Petropavl) oınaıdy.

Atalǵan týrdy 21.00-de «Elimaı» (Semeı) men «Qaırat» (Almaty) komandalary túıindeıdi.

Bul týrdyń oıyndaryn «Qazsport», «Q Football», «Q Arena» telearnalary men QFL.KZ saıtynda tamashalaýǵa bolady.

Aıta ketsek, jeti týrdan keıin 14 upaımen «Aqtóbe», «Elimaı» men «Qaırat» úzdik úshtikte keledi.

Surmergender sapynda Idrıs Ýmaev («Aqtóbe»), Maksım Samorodov («Aqtóbe») jáne Evgenıı Berezkın («Qyzyljar») tórt gol soǵyp, kósh basynda tur.

Eske salsaq, budan buryn Ǵanı Qaınazarov Qazaqstan fýtbol lıgasynyń prezıdenti boldy.