Búgin fýtboldan el birinshiliginiń on tórtinshi týry bastalady

ASTANA. KAZINFORM - Búgin, 13 shildede fýtboldan Qazaqstan Premer-lıgasynyń HІV týry bastalady.

13 shildede eki oıyn ótedi. Aldymen 18:00-de «Shahter» (Qaraǵandy) men «Jetisý» (Taldyqorǵan) jasyl alańǵa shyǵady.

Odan keıin 20:00-de «Qaısar» (Qyzylorda) men «Elimaı» (Semeı) kezdesedi.

Al 14 shildede 18:00-de «Qaırat» (Almaty) pen «Jeńis» (Astana) sheberlik baıqasady.

Atalǵan týrda 13 shildege belgilengen «Ordabasy» (Shymkent) men «Turan» (Túrkistan), 14 shildedegi «Atyraý» men «Aqtóbe», «Tobyl» (Qostanaı) men «Qyzyljar» (Petropavl) kezdesýleri keıinge shegerildi. Bul sheshim «Ordabasy», «Aqtóbe», «Tobyl» komandalarynyń eýrokýbok oıyndaryna qatysýyna baılanysty qabyldanyp otyr. 

Bul týrdyń oıyndaryn «Qazsport», «Q Football», «Q Arena» telearnalary men QFL.KZ saıtynan tamashalaýǵa bolady.

Aıta ketsek, on úsh týrdan keıin 25 upaımen «Ordabasy» kósh basynda kele jatsa, «Aqtóbeniń» - 22, «Qaırattyń» -21 upaıy bar.

Eske salsaq, budan buryn fýtboldan birinshi lıgada «Oqjetpes» kósh basyna shyqty.