01:28, 15 Maýsym 2024 | GMT +6

Búgin fýtboldan el birinshiliginiń on birinshi týry bastalady

Бүгін футболдан ел біріншілігінің он бірінші туры басталады — Фото: qfl.kz

ASTANA. KAZINFORM - Búgin, 15 maýsymda fýtboldan Qazaqstan Premer-lıgasynyń on birinshi týry bastalady.

Atalǵan týr oıyndary 15 jáne 16 maýsym kúnderine belgilengen.

Búgin, 15 maýsymda aldymen 18:00-de «Shahter» (Qaraǵandy) men «Atyraý» (Qyzylorda) jasyl alańǵa shyǵady. Odan keıin 20:00-de «Tobyl» (Qostanaı) men «Qaırat» (Almaty), «Qaısar» (Qyzylorda) men «Turan» (Túrkistan) kezdesedi. Al 16 maýsymda 18:00-de «Jetisý» (Taldyqorǵan) men «Jeńis» (Astana) sheberlik baıqasady.

Saǵat 20:00-de «Elimaı» (Semeı) men «Aqtóbe», «Astana» men «Ordabasy» (Shymkent) oınaıdy. Bul týrdyń oıyndaryn «Qazsport», «Q Football», «Q Arena» telearnalary men QFL.KZ saıtynan tamashalaýǵa bolady.

Aıta ketsek, toǵyz týrdan keıin 18 upaımen «Aqtóbe», «Qaırat» kósh basynda kele jatsa, «Ordabasy» 16 upaımen úzdik úshtikti túıindep tur.

Eske salsaq, budan buryn Mılıch Chýrchıch «Tobyl» komandasy bas bapkeri qyzmetinen ketti.

Tegter:

«Ақтөбе» ФК Шахтер ФК «Тобыл» ФК Спорт Қазақстан чемпионаты «Жеңіс» ФК Футбол «Қайрат» ФК

Сейчас читают