Búgin fýtboldan Chempıondar lıgasynyń fınaly ótedi

ASTANA. KAZINFORM — Búgin fýtboldan UEFA Chempıondar lıgasynyń fınalynda «Parı Sen-Jermen» (Frantsııa) men «Inter» (Italııa) komandalary kezdesedi. 

Oıyn qazaqstandyq ýaqytpen 23:45–te bastalyp, «Qazsport» telearnasynan tikeleı efırde kórsetiledi.

Kezdesý Germanııanyń Mıýnhen qalasyndaǵy «Mıýnhen Arena» stadıonynda ótedi.

Eki komanda jaraqat alǵan oıynshylar joq. Barlyǵynyń aldaǵy kezdesýge daıyn ekeni belgili boldy.

«Parı Sen-Jermen» óz tarıhynda ekinshi márte Chempıondar lıgasy fınalyna shyǵyp otyr. 2020 jyly olar fınalda Germanııanyń «Bavarııa» komandasyna 0:1 esebimen jol berdi.

Al «Inter» qazirge deıin 1964, 1965, 2010 jyldarda Chempıondar lıgasyn jeńip alsa, 1967, 1972, 2023 atalǵan týrnırdiń fınalısi atandy.

Eki komanda buǵan deıin úsh márte kezdesti. Onyń bireýinde frantsııalyq klýb jeńiske jetse, qalǵanynda qarsylasyna ese jiberdi.

Eske salsaq, budan buryn Anglııanyń «Tottenhem Hotspýrs» komandasy 2025 jylǵy UEFA Eýropa lıgasynyń chempıony atandy.

Sondaı-aq Anglııanyń «Chelsı» klýby fýtboldan UEFA Konferentsııa lıgasynyń chempıony boldy.