Búgin fýtboldan Birinshi lıgada HHІІІ týr oıyndary ótedi

ASTANA. KAZINFORM - Atalǵan týr oıyndary 25-26 qyrkúıek kúnderine belgilengen.

Búgin, 25 qyrkúıekte «SD Family» (Astana) men «Ertis» (Pavlodar), «Akademııa Ońtústik» (Shymkent) pen «Shahter» (Qaraǵandy), «Túrkistan» men «Ekibastuz» (Pavlodar oblysy) sheberlik baıqasady.

Al 26 qyrkúıekte «Kaspıı» (Aqtaý) men «Aqtóbe-2», «Altaı» (Óskemen) men «Han táńiri» (Almaty), «Jetisaı» (Túrkistan oblysy) men AKAS (Almaty), «Taraz» ben «Qaırat-2» (Almaty) sheberlik baıqasady.

Týrnır kestesinde alǵashqy úsh orynǵa ıe bolǵan komandalar aldaǵy jyly Premer-lıgaǵa qatysý úshin tikeleı joldamaǵa qol jetkizedi. Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr.

Jıyrma eki týrdan keıin «Kaspıı», «Ertis», «Shahter», «Altaı» komandalary alǵashqy oryndardy ózara bólisip tur.

Eske salsaq, fýtboldan Premer-lıga komandalary arasyndaǵy el birinshiliginiń keıinge qaldyrylǵan ІH-týrynyń sońǵy oıynynda «Tobyl» óz alańynda «Ordabasyny» súrindirdi.