Búgin fýtboldan birinshi lıgada 3-týr oıyndary bastalady

ASTANA. KAZINFORM - Búgin, 24 sáýirde fýtboldan birinshi lıga komandalary arasyndaǵy Qazaqstan chempıonatynyń 3-týr oıyndary bastalady. 

Dop dodasynda bıyl 14 komanda baq synaıdy. Atalǵan týr oıyndary 24-25 sáýir kúnderine belgilengen.

Búgin, 24 sáýirde «Ekibastuz» (Pavlodar oblysy) ben «Aqtóbe-2», «Túrkistan» men «Jetisaı» (Túrkistan oblysy), «SD Family» (Astana) men AKAS (Almaty), «Kaspıı» (Aqtaý) men «Ońtústik akademııasy» (Shymkent) komandalary kezdesedi.

Al 25 sáýirde «Taraz» ben «Altaı» (Óskemen), «Han táńiri» (Almaty) men «Shahter» (Qaraǵandy), «Ertis» (Pavlodar) pen «Qaırat-2» (Almaty) oınaıdy.

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi. Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr.

Eki týrdan keıin upaı joǵaltpaǵan «Ertis», «Kaspıı», «Shahter» komandalary alǵashqy úsh oryndy ózara bólisip tur.