Búgin fýtboldan Birinshi lıgada 11-týr oıyndary bastalady

ASTANA. KAZINFORM - Atalǵan týr oıyndary 26-27 maýsym kúnderine belgilengen.

Búgin, 26 maýsymda «Aqtóbe-2» men «Kaspıı» (Aqtaý), «Ekibastuz» (Pavlodar oblysy) pen «Túrkistan», «Qaırat-2» (Almaty) men «Taraz» oınaıdy.

Al 27 maýsymda «Shahter» (Qaraǵandy) men «Akademııa Ońtústik» (Shymkent), AKAS (Almaty) pen «Jetisaı» (Túrkistan oblysy), «Han táńiri» (Almaty) men «Altaı» (Óskemen), «Ertis» (Pavlodar) pen «SD Family» oınaıdy.

Týrnır kestesinde alǵashqy eki orynǵa ıe bolǵan komandalar aldaǵy jyly Premer-lıgaǵa qatysýǵa tikeleı joldamaǵa qol jetkizedi.

Bıyl «Shahter», «Ertis», «Kaspıı» komandalary úzdikter qatarynda bolady dep boljanyp otyr.

On bir týrdan keıin «Kaspıı», «Shahter», «Ertis», «Altaı» komandalary alǵashqy oryndardy ózara bólisip tur.

Eske salsaq, 25 maýsymda fýtboldan Qazaqstan kýbogy jartylaı fınalyndaǵy alǵashqy oıynda Qostanaıdyń «Tobyl» elordalyq «Jeńisten» basym tústi.