Búgin fýtboldan Áıelder lıgasynyń HHІV týry ótedi

ASTANA. KAZINFORM — Búgin fýtboldan áıelder arasyndaǵy Qazaqstan chempıonatynyń HHІV týrynyń oıyndary ótedi.

Bul týrda «Tomırıs-Turan» (Túrkistan) men BIІK (Shymkent) komandalary sheberlik baıqasady. El birinshiliginde ekeýi de alǵashqy úshtikte keledi. BIІK klýby 64 upaımen ekinshi orynda tursa, «Tomırıs-Turan» 56 upaımen úshinshi orynda keledi. 

Oıyn kestesi:

«Oqjetpes» (Kókshetaý) — «Qaısar» (Qyzylorda)
«Jeńis» (Astana) — «Elimaı» (Semeı)
«Jetisý» (Taldyqorǵan) — «Tobyl» (Qostanaı)
«Qyzyljar» (Petropavl) — «Aqtóbe»
«Atyraý» — «Ulytaý» (Jezqazǵan)
«Qaırat» (Almaty) — «Astana»
«Tomırıs-Turan» (Túrkistan) — BIІK (Shymkent).

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.
Ár komanda sapynda keminde qazaqstandyq fýtbosportl mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.

Eske salsaq, el birinshiliginde «Tobyl» men «Elimaı» sońǵy mınýtta úsh upaı oljalady.