Búgin fýtboldan Áıelder lıgasy HHІІ týrynyń alty oıyny ótedi

ASTANA. KAZINFORM - Búgin fýtboldan áıelder arasyndaǵy Qazaqstan chempıonatynyń HHІІ týrynyń oıyndary ótedi.

Bul týrda bıyl bas júldege qol jetkizýdi qalaıtyn «Aqtóbe» syrt alańda almatylyq «Qaıratpen» kezdesedi. Almatylyq klýb ta osal qarsylas emes. Sondyqtan aqtóbelik fýtbolshylar jeńistiń kiltin tabýǵa tyrysady.

Qazir týrnır kestesinde «Aqtóbemen» birge bas júldeden negizgi úmitker sanalatyn shymkenttik BIІK klýby 13 qyrkúıekte syrt alańda elordalyq «Jeńisti» 10:0 esebimen jeńdi.

Oıyn kestesi:

«Jetisý» (Taldyqorǵan) - «Elimaı» (Semeı)

«Qaırat» (Almaty) - «Aqtóbe»

«Oqjetpes» (Kókshetaý) - «Tobyl» (Qostanaı)

«Atyraý» - «Astana»

«Qaısar» (Qyzylorda) - «Ulytaý» (Jezqazǵan)

«Tomırıs-Turan» (Túrkistan) - «Qyzyljar» (Petropavl).

Federatsııa talabymen erler klýbtarynyń janynan bıyl áıelder quramalary qurylǵan. Ótken jyly chempıonatqa tek 4 óńirden 5 komanda ǵana tirkelgen edi.

Ár komanda sapynda keminde qazaqstandyq fýtbol mektebiniń 13 túlegi bolýǵa tıis degen talap qoıylyp otyr. Oǵan 2009 jyly jáne odan erte dúnıege kelgen fýtbolshylar qatysa alady.