Búgin fýtboldan Amerıka kýbogynyń 1/4 fınaldyq kezeńi bastalady

ASTANA. KAZINFORM - Búgin fýtboldan Amerıka kýbogynyń 1/4 fınaldyq kezeńi bastalady. Lıonel Messı bastaǵan Argentına quramasy bul joly Ekvadormen synǵa túsedi.

Argentınalyq fýtbolshylar A tobynda birde-bir upaı joǵaltqan joq. Olar Kanada men Perýdi 2:0, Chılıdi 1:0 esebimen tize búktirip, toǵyz upaımen birinshi oryn aldy. 

Ázirge Lıonel Messı gol soqqan joq. 

Álem fýtbolyndaǵy taǵy bir úzdik quramanyń biri - Brazılııa toptyq kezeńde nebári bir kezdesýde jeńip, qalǵanynda teń nátıjege qanaǵat bildirdi. Óz tobynda ekinshi oryndy mise tutty.

Argentına men Ekvador kezdesýi 05:50-de «Qazsport» telearnasynan tikeleı efırde kórsetiledi. 

Sondaı-aq shırek fınalda 5 shildede Venesýela men Kanada, 6 shildede Ýrýgvaı men Brazılııa, Kolýmbııa men Panama kezdesedi. 

Bıyl Amerıka kýbogy 20 maýsym men 14 shilde aralyǵynda AQSh-tyń 14 qalasynda ótkizilýde. 

Amerıka kýbogy 1916 jyldan beri turaqty ótkizilip keledi. Qazirge deıin Argentına men Ýrýgvaı -16, Brazılııa - 9, Paragvaı, Chılı, Perý - 2, Kloýmbııa men Bolıvııa - 1 márteden chempıon atandy.

Eske salsaq, budan buryn Lıonel Messı Amerıka kýbogynda rekord ornatqanyn habarlaǵan edik.