Búgin fýtboldan «Altyn dop-2024» ıegeri anyqtalady
ASTANA. KAZINFORM - Búgin fýtboldan «Altyn dop-2024» ıegeri anyqtalady. Bıyl 68-shi márte ótkiziletin dástúrli is-shara Sena ózeni boıynda ornalasqan «Shatle» teatrynda bolady.
Álemdegi úzdik fýtbolshylardy anyqtaý maqsatynda qolǵa alynǵan atalǵan shara 1956 jyldan beri «France Football» jýrnalynyń uıymdastyrýymen turaqty túrde ótkizilip keledi.
Qazirge deıin erler men áıelder arasynda «Altyn dop» ıegeri anyqtalsa, 21 jasqa deıingi fýtbolshylar arasynda «Kopa trofeıi», úzdik qaqpashyǵa «ıAshın trofeıi» beriledi. Sondaı-aq úzdik erler jáne áıelder komandalary anyqtalady. Al ótken maýsymdaǵy úzdik surmergenge Gerd Mıýller trofeıi tabystalady.
Bıyl olardyń qataryna taǵy eki jańa marapat qosyldy. Endi erler jáne áıelder komandalary arasynda úzdik bapkerler esimi belgili bolady.
Bıyl «Altyn dopqa» basty úmitkerler esebinde brazılııalyq Vınısıýs Jýnıor («Real Madrıd», Ispanııa), ıspanııalyq Rodrı («Manchester Sıtı», Anglııa) jáne anglııalyq Djýd Bellıngem («Real Madrıd», Ispanııa) esimi atalyp otyr.
Keıingi 21 jyldan beri «Altyn dopqa» úmitkerler qatarynda argentınalyq Lıonel Messı men portýgalııalyq Krıshtıaný Ronaldý joq.
Saltanatty shara elorda ýaqytymen 00:00-de bastalady.
Eske salsaq, fýtboldan Qazaqstan ulttyq quramasy FIFA reıtınginde joǵarylady.
